Ardi-belar edo arkakuso-plantain (Plantago psyllium)[1] plantaginazeoen familiako urtebeteko edo gehiagoko bizitza duen belar landarea da.
Mendebaldeko Mediterraneon jatorria duen landare hau sendabelar ezaguna da.[2]
Deskribapena
Zurtoin tentea eta oso adarkatua duen landare belarkara da. Hostoak luzeak eta estuak dira eta hirunaka multzokaturik aurkitzen dira.
Loreak zuriak dira eta buruetan multzokaturik daude. Txikiak dira, lau sepalo eta lau petalo dituztenak.
Haziak txikiak eta marroiak dira.
Habitata
Landaturiko soroetan agertzen da, ongarri ugari duten lurzoruetan. Errepide bazterretan ere ohikoa da.
Erabilera
Ohar medikoaOharra: Wikipediak ez du mediku aholkurik ematen. Tratamendua behar duzula uste baduzu, jo ezazu sendagilearengana.
Muzilago ugari ditu eta urarekin nahastean lau aldiz handitzen du bolumena, horri esker hesteetan libragarri gisa funtzionatzen du. Mugimendu peristaltikorik ez dagoenean bereziki gomendagarria da[3].
Erreuma, erredurak eta ultzerak tratatzeko konpresak egiten dira[2].
Psyllium ugari duenez (zuntz naturala) kolesterola eta LDLa jeisten laguntzen du.