Aurrenektariarra

Ilargiaren denbora lerro geologikoan ageri den Periodo Aurrenektariarra duela 4533 mila milioi urte hasi (Ilargia sortu zen unean) eta duela 3920 mila milioi urte arte iraun zuen, hau da, Nectaris arroa sortu zen arte, talka erraldoi baten ondorioz. Periodo hau amaitu zenean periodo nektariarra hasi zen.

Ezaugarriak

Ilargira bidali ziren zundek bildu zituzten laginetan zaila da arroka aurrenektariar bat atzematea, baina gehienak bortizki higatutako materialez osatuta daude, beranduago jazo ziren talken eragina pairatu zutelako. Pairatu zituzten talka horien artean esanguratsuena, Periodo Nektariarrari hasiera eman zion Bonbardaketa Berantiar Handia izan zen. Garai honetako materialen osaerari dagokionean, gehienbat anortositaz osaturik daude, hori dela eta, Ilargiaren lurrazala magmazko ozeano global bateko mineralak kristalizatzetik sortu zela pentsatzen da. Periodo geologiko honek baditu banaketa ez ofizial batzuk: Kriptikoa eta 1-9 Basin Taldeak. Hala ere, aipatutakoak ez dira Ilargiaren mapa geologiko ofizialetan baliatzen.^[1]

Lur planetan garai hauetako lagin edo aztarna geologikoak hutsalak direnez, Ilargiko Periodo Aurrenektariarreko arrokak baliatu izan dira Lur planetako Eoi Hadearrari buruzko datu gehiago lortzeko.^[2] Zientzialari batzuek Eoi Hadearra lau garaitan bereiztea proposatu dute: Kriptikoa, Basin Taldeak, Nektariarra eta Imbriarra. Garai horiek ez daude ofizialki baietsiak eta Ilargiaren kasuan, lehen biek Periodo Aurrenektariarra osatzen duten bitartean, beste biek onarpen zientifikoa dute.

Milioi urte antzina

Erreferentziak

↑ «Geologic History of the Moon» ser.sese.asu.edu (Noiz kontsultatua: 2019-06-17).
↑ Holland, Charles Hepworth. (1991-05). «W. B. Harland, R. L. Armstrong, A. V. Cox, L. E. Craig, A. G. Smith & D. G. Smith 1990. A Geologic Time Scale 1989. xvi + 263 pp. Cambridge, New York, Port Chester, Melbourne, Sydney: Cambridge University Press. Price £25.00, ISBN 0 521 38361 7 (hard covers); £11.95, ISBN 0 521 38765 5 (paperback).» Geological Magazine 128 (3): 289–290. doi:10.1017/s0016756800022172. ISSN 0016-7568. (Noiz kontsultatua: 2019-06-17).

Ilargia

Ezaugarriak eta
jatorria

Atmosfera • Grabitazio-eremua • Eremu magnetikoa • Orbita • Talka handiaren hipotesia • Barne egitura

Geologia

Itsasoak
(Zerrenda)

Procellarum • Imbrium • Nectaris • Frigoris • Serenitatis • Fecunditatis • Insularum • Nubium • Tranquillitatis • Crisium

Kraterrak
(Zerrenda)

Copernicus • Kepler • Aristarchus • Plato • Grimaldi • Byrgius • Langrenus • Stevinus • Tycho

Historia
geologikoa

Denbora lerroa	Aurrenektariarra • Nektariarra • Imbriarra (Goiztiarra eta Berantiarra) • Eratosteniarra • Kopernikarra
Gertaerak	Magmazko ozeano globala • KREEP • Bonbardaketa Berantiar Handia

Behaketa eta
esplorazioa

Misioak eta zundak	Apollo programa • Lunar Orbiter • Ranger • Surveyor • Chang'e 4 • Lunar Reconnaissance Orbiter • Ilargiaren kolonizazioa • Ilargiko arroka
Behaketa	Ilargiaren aldiak • Ilargiaren alde ezkutua • Ilargiaren alde ikusgaia • Ilargiko teleskopioak