Euskalduna jauregia
| Euskalduna jauregia | |
|---|---|
  Irudi gehiago | |
| Kokapena | |
| Herrialdea |  Euskal Herria |
| Probintzia |  Bizkaia |
| Herria | Bilbo |
| Koordenatuak | 43°16′01″N 2°56′41″W / 43.2669°N 2.9447°W / 43.2669; -2.9447 |
 | |
| Historia eta erabilera | |
| Eraikuntza | 1994 - 1999 |
| Inaugurazioa | 1999ko otsailaren 19a |
| Inaugurazioa | 1999ko otsailaren 19a |
| Arkitektura | |
| Arkitektoa | Federico Soriano (en)  |
| Webgune ofiziala | |
- Artikulu hau jauregiari buruzkoa da; beste esanahietarako, ikus «Euskalduna».
Euskalduna Jauregia Bilboko musika gune handiena da gaur egun, bai eta biltzar-zentroa ere.
Bilbao Orkestra Sinfonikoak egoitza bertan dauka.
Eraikina
Musika motari dagokionez, batik bat opera, musika klasikoa, zartzuela eta musika modernoa eta etnikoa eskaintzen dute bertan. Horretaz gain, antzerkia eta dantza emanaldiak ere ikusgai daude urte osoan zehar. Guztira bost areto, tamainan ezberdinak, ditu biltzar jauregiak, handienak 2.200 pertsona har ditzake gehienez eta txikienak 200 pertsona.
Abandoibarra izeneko eremuan kokatuta dago, Abandoko barrutian. Euskalduna zubiaren hasieran dago, eta Bilboko itsasadarrak Deustutik banatzen du. Jesusen Bihotzaren plaza eta Casilda Iturrizar parkea haren inguruan daude.
53.000 m2 dauka, zazpi solairutan banatuta. Hainbat areto ditu, baina nagusia Auditorioa da, 1.770 m2 daukana eta 2.000 ikusle baino gehiagorentzako lekua. 1998an eraiki zuten, Dolores Palacios eta Federico Soriano arkitektoek diseinatuta.
Euskalduna ontziola zegoen lur-sailean eraiki zuten eta hortik hartu zuen izena. Horrez gain, eraikinaren diseinuak itsasontzi baten itxura gogorarazten du, auditorio nagusirako sarbideetan ageri da hori. 2003. urtean Munduko Biltzar Jauregi onenaren APEX Saria jaso zuen.
Kultura ekitaldiak
2014ko Gabonetan antolatutako ekitaldiek 45.825 ikusle izan zituzten eta 853.438 euroko irabaziak lortu ziren[1].
Urtero abenduaren lehen erdialdean Bilbao Mendi Film Festival mendi zinemaldiaren kokalekua da.
Argazki galeria
-
Eraikinaren aurrealdea. -
Euskalduna jauregiko eszenatokia. -
Barnealdeko harmailak. -
Euskalduna jauregiko barnealdea.
Ikus, gainera
- Operaren Lagunen Bilboko Elkartea
- Etxanobe (jatetxea)
- Abandoibarra
Erreferentziak
- ↑ «46.000»+, Berria, 2015-01-08
Kanpo estekak
| Euskarazko Wikipedian bada atari bat, gai hau duena: Bilbo |
- Euskalduna jauregiaren webgune ofiziala
| Autoritate kontrola |
|
|---|
Datuak: Q1783240
Multimedia: Palacio Euskalduna / Q1783240
| | Euskal Herriko biltzar jauregiak | |
|---|---|---|
| Baluarte • Bilbao Exhibition Centre • Europa • Euskalduna • Ficoba • Kursaal • Irati • Refena | ||
