Guriezo
| Guriezo | |||||||||||
|---|---|---|---|---|---|---|---|---|---|---|---|
municipality of Cantabria (en)  | |||||||||||
  Irudi gehiago | |||||||||||
| |||||||||||
| Administrazioa | |||||||||||
| Estatu burujabe |  Espainia | ||||||||||
| Autonomia |  Kantabria | ||||||||||
| Alkatea | Adolfo Izaguirre Ruiz (en) | ||||||||||
| Izen ofiziala | Guriezo | ||||||||||
| Posta kodea | 39... | ||||||||||
| INEk ezarritako kodea | 39030 | ||||||||||
| Herriburua | El Puente | ||||||||||
| Geografia | |||||||||||
| Koordenatuak | 43°20′31″N 3°19′36″W / 43.341944444444°N 3.3266666666667°W / 43.341944444444; -3.3266666666667 | ||||||||||
 | |||||||||||
 | |||||||||||
| Azalera | 74.53 km² | ||||||||||
| Altuera | 40 m | ||||||||||
| Mugakideak | Castro Urdiales, Turtzioz, Rasines, Ampuero eta Liendo | ||||||||||
| Demografia | |||||||||||
| Biztanleria | 2.438 (2023) 6 (2022) | ||||||||||
| |||||||||||
| Dentsitatea | 32,71 bizt/km² | ||||||||||
| Informazio gehigarria | |||||||||||
| Ordu eremua | UTC+01:00 | ||||||||||
| Matrikula | S | ||||||||||
Guriezo Kantabriako (Espainia) udalerria da, Asón-Agüerako eskualdean dagoena. 2009ko urtarrilaren 1eko erroldaren arabera 2.303 biztanle zituen eta 74,5 km²-ko azalera du.
Geografia
Iparraldean, Castro Urdiales eta Liendo udalerriak ditu, hegoaldean, Bizkaia, ekialdean Castro Urdialesko Sámano harana eta mendebaldean Asón ibaiaren harana edo Ampuero eta Rasines udalerriak.
Kantabriako ekialdean, Agüera (hegoaldetik iparralderantz udalerria zeharkatzen duena) ibaiaren bailaran dago. Haranean zenbait ibaiadar hartzen ditu. Remendón izenekoak Juncal urtegia ditu. Kostatik gertu, El Pontarrón parean, Agüerak Oriñóngo itsasadarra sortzen du. Udalerri zabala da, 74,5 km²-ko azalera duena.
Herriak eta auzoak
Udalerriak herriez gain, sakabanatutako auzoak ditu (24 guztira). El Puente udalburua du. Hona hemen Guriezoko herriak:
- Adino.
- Agüera.
- Angostina.
- Balbacienta.
- Cabaña la Sierra.
- Carazón.
- La Corra.
- Francos.
- Landeral.
- Lendagua.
- Llaguno.
- El Llano.
- Lugarejos.
- La Magdalena.
- Nocina.
- Pomar.
- El Puente (udalerri-burua).
- Ranero.
- Revilla.
- Rioseco.
- Santa Cruz.
- Torquiendo.
- Trebuesto.
- Tresagua.
Historia
Antzinarotik populatua, Cervajera leizean zenbait brontzezko punta topatu zituzten.[1] Castrotik gertu izanda, autrigoien eremuan zegoen eta, ziur asko, erromatarrak bertatik ere pasa ziren. Goi Erdi Aroan jada agirietan aipatu zuten, ekialdeko Kantabriako beste herriekin batera Vecio merindadea sortu zutelako. Bertoko ahaide nagusiak (Marroquín, Negrete edo Boar) liskarretan aritu ziren. Aro Modernoan, Guriezo Lau Hiribilduen Korrejimenduan sartu zen. Garai haietan, harana auzotan banatu zen, kontzeju bana egiten zuten. Hala ere, 1822an batu eta egungo udalerri sortu zuten.
Guriezo jada Erdi Aroan Bizkaiko burdinaren negozioan sartuta zegoen.[2] Bizkaian industrializazioa hasi zenean, Guriezok bere parte egin zuen: 1846an, ybarratarrek bertoko La Merced lantegia erosi zuten, 1854ra arte martxan izan zena.[3]
Gerra Zibilean, 1937ko abuztuaren 24an, udalerrian Santoñako hitzarmena sinatu zuten.[4] 1938an, Manuel Pérez Tejera tenienteak zuzendutako iheslari errepublikanoen talde bat inguruko mendietan zelata batean erori zen. Pérez Tejerak 1941era arte iraun zuen.[5]
Demografia
| 1900 | 1910 | 1920 | 1930 | 1940 | 1950 | 1960 | 1970 | 1980 | 1990 | 2000 | 2009 |
|---|---|---|---|---|---|---|---|---|---|---|---|
| 2.329 | 2.380 | 2.426 | 2.329 | 2.378 | 2.162 | 1.989 | 1.716 | 1.945 | 1.830 | 1.730 | 2.303 |
Guriezotar ezagunak
- Francisco Marroquín Hurtado (1499-1563): Guatemalako lehenengo apezpikua
- Julián Torre Marroquín (1940-2012): Apaiz langilea
- Isidro Nozal (1977) : Txirrindulari profesionala
- Carlos Nozal (1981) : Txirrindulari profesionala
Erreferentziak
- ↑ Peralta Labrador, Eduardo. (2003). Los cántabros antes de Roma. Real Academia de la Historia ISBN 84-89512-59-0..
- ↑ Arizaga, Beatriz; Bochaca, Michel. (2003). «El comercio marítimo de los puertos del País Vasco en el Golfo de Vizcaya a finales de la Edad Media» Revista de Estudios Marítimos del País Vasco (Gipuzkoako Foru Aldundia) (4): 41–53..
- ↑ Díaz Morlán, Pablo. (1999). Los Ybarra vizcaínos: Origen y Expansión de una Dinastía Empresarial (1801-1890). Universidad de Alicante.[Betiko hautsitako esteka]
- ↑ Álvarez Bolado, Alfonso. (1995). Para ganar la guerra, para ganar la paz: Iglesia y guerra civil: 1936-1939. Universidad Pontificia de Comillas ISBN 84-87840-79-5..
- ↑ Gutiérrez Flores, Jesús. (2006). Guerra civil en Cantabria y pueblos de Castilla. , 327 or..
Kanpo estekak
- (Gaztelaniaz) Udalerriari buruzko webgunea.
| Autoritate kontrola |
|---|
Datuak: Q1635156
Multimedia: Guriezo / Q1635156
