Kariba (aintzira)

Kariba
Datu orokorrak
Garaiera	485 m
Mota	urtegi
Luzera	220 km
Zabalera	40 km
Azalera	5.400 km²
Sakonera	78 m 29 m
Bolumena	180 km³
Geografia
Koordenatuak	17°S 28°E / 17°S 28°E / -17; 28
Hidrografia
Betebidea	ikusi Zambezi Sengwa River (en) Munyati River (en)
Hustubidea	Zambezi
Erresidentzia denbora	3 a
Arroaren azalera	663.000 km²
Arro hidrografikoa	Zambezi Basin (en)

Kariba^[1] munduko aintzira artifizial eta erreserba handiena da. Zambezi ibaian dago kokatuta, ibaiaren sorburuaren eta bukaeraren arteko erdibidean, Indiako ozeanotik 1300 km-ra ibaian gora, Zimbabweren eta Zambiaren arteko mugan. 1958tik 1963ra bitartean bete zen urez, Kariba presari esker.

Historia

Zimbabweko Kariba herria, presan lanean ari ziren langileentzat sortu zen. Mlibizi herrian (Zimbabwe) eta Siavonga eta Sinazongwe herrietan (Zambia), aldiz, biztanle kopurua nabarmen handitu da, urperatutako lurretatik heldu den jendearengatik.

Geografia

Kariba aintzirak Zimbabweren eta Zambiaren arteko muga osatzen du. 220 kilometro luze da, eta 40 kilometro zabal. 5.580 km²-ko azalera dauka, eta 185 km³ ur biltzeko edukiera.

Fauna

Urtegia urez bete zen heinean deskonposatzen ari zen materia organiko ugari askatu zen eta gaur egun arrain espezie ugari kopuru handitan agertzen dira. Sardina itxurako kapenta arrainak sartu zituzten Tanganyika aintziratik ekarrita. Gaur egun arrantza jarduera handia dago urtegiaren ertzetako herrietan.

Ugaztunei dagokionez Nilotar krokodiloak eta hipopotamoak daude aintzirako uretan eta elefanteak, lehoiak, gepardoak, lehoinabarrak, bufaloak eta beste hainbat animalia inguratzen dira ertzera ura edatera.

Arrano arrantzaleak eta ubarroiak ere ugari ikusten dira.

Iruditegia

• 
  Kariba aintzira.
• 
  Arrantzaleak aintziran.
• 
  Aintzira ertzean hondartzak daude.
• 
  Aintzira ilunabarrean.

Erreferentziak

Ikus, gainera

• Afrikako Aintzira Handiak

Kanpo estekak

• Datuak: Q1047206
• Multimedia: Lake Kariba / Q1047206