Olarizu

42°49′32″N 2°39′38″W / 42.82556°N 2.66056°W / 42.82556; -2.66056

Olarizu Gasteizko hegoaldean kokaturik dagoen landa-eremu bat da, Adurtza auzoaren hegoaldean. Antzina herrixka bat zen, baina gaur egun ez da inor bizi.

XIX. mendeaz geroztik, erromeria bat ospatzen da Olarizuko Andre Mariaren ohorez irailaren 8aren ondorengo astelehenean.

Olarizuko parkea eta izen bereko mendia Gasteizko Eraztun Berdearen barnean daude. Olarizun bertan, Ingurugiro Gaietarako Ikastegia kokaturik dago.

Historia

XIV. mendean biztanlerik gabe geratu zen Olarizu. XI. mendeko agirietan "Hollarruizi" izenarekin ageri da, eta XIII. mendean "Hollarruizu" izenarekin. XIX. mendean, berriz, "Olharizu" izena azaltzen da erregistroetan. Herrixka desagertu bazen ere, Olarizuko Andre Mariaren elizak gehiago iraun zuen zutik, XX. mendearen hasiera arte.