Prince of Darkness (filma)
 Prince of Darkness (filma) | |
|---|---|
| Jatorria | |
| Argitaratze-data | 1987 |
| Izenburua | Prince of Darkness |
| Jatorrizko hizkuntza | ingelesa |
| Jatorrizko herrialdea | Ameriketako Estatu Batuak |
| Banatze bidea | eskatu ahalako bideo |
| Ezaugarriak | |
| Genero artistikoa | beldurrezko zinema, fantasiazko filma eta zombie film (en)  |
| Iraupena | Adierazpen errorea: Hitz ezezaguna "eta" |
| Kolorea | koloretakoa |
| Telesaila | Apocalypse Trilogy (en) |
| Grabazio lekua(k) | Los Angeles |
| Zuzendaritza eta gidoia | |
| Zuzendaria(k) | John Carpenter |
| Gidoigilea(k) | John Carpenter |
| Antzezlea(k) | |
Donald Pleasence Jameson Parker Victor Wong (en) Lisa Blount Alice Cooper Anne Marie Howard Dennis Dun Dirk Blocker Susan Blanchard Joanna Merlin Peter Jason [[Kategoria:Victor Wong (en) antzeztutako filmak]] | |
| Ekoizpena | |
| Ekoizlea | Larry J. Franco |
| Konpainia ekoizlea | Universal Studios |
| Edizioa | Steve Mirkovich |
| Ekoizpen-diseinatzailea | Daniel A. Lomino (en) |
| Bestelako lanak | |
| Musikagilea | John Carpenter |
| Argazki-zuzendaria | Gary B. Kibbe |
| Fikzioa | |
| Kontakizunaren tokia | Los Angeles |
| Argumentu nagusia | Naturaz gaindiko fenomenoa |
           | |
Prince of Darkness (euskaraz Iluntasunaren Printzea), 1987ko John Carpenter estatubatuar zinema zuzendari eta gidoigileak zuzendu eta idatzitako beldurrezko film bat da. Donald Pleasence, Lisa Blount, Victor Wong eta Jameson Parker aktoreek antzeztu zuten.
Estreinatu eta berehala, beldurrezko generoko zinemazaleen artean kultuzko filma bilakatu zen. The Thing (1982, "Gauza") eta In the Mouth of Madness (1995, "Erokeriaren Ahoan") filmeekin batera John Carpenterren "Apokalipsiaren Trilogia" osatzen du.
Bitxikeria gisa, Alice Cooper rock abeslari eta izar ospetsua ere agertu zen, batere solasaldirik ez duen etxegabe beldurgarri baten papera antzeztuz.
Soinu banda minimalista eta iluna da, filma oso ongi girotzen duena, Carpenter berak konposatua, eta 1980ko hamarkadako ohiko sintetizagailu elektronikoak erabiltzen ditu.
Kritikariek filma estrenatu zenean gogor jipoitu zuten, baina 3 milioi dolarretako aurrekontuarekin 14 milioi dolarretako diru etekinak lortu zituen, eta hori baina garrantzitsuagoa, Carpenter bere hasierako filmeen estilo, estetika eta narratibara bete-betean itzuli zen.
Argumentua
Oharra: Atal honek istorio osoa edo amaiera argitzen du.
Apaiz batek (Donald Pleasence) Satan beraren gordelekua Los Angeles hiriko abandonatutako eliza baten sotoan antimateria-likido berde moduan topatu berri duelako ustea du. Birack (Victor Wong) fisika irakaslea eta haren ikasle taldearen laguntzaz apaizak Iluntasunaren Printzea sotoko zilindro itxurako gordailu batean gorderik eta ihes egin gaberik mantentzeko zientzia proiektu bati ekingo dio. Baina berehala zerbait beldurgarria jazotzera doala eta giro txar eta desatsegina adierazten duten seinaleak emango dira: supernoba berri baten aurkikuntza, eguzki-eklipsea jazotzea, txingurri, ar eta zomorro ugarien agerpenak, eliza dagoen auzoko etxegabeen portaera arraro eta beldurgarria...
Gaizkiaren indarrek ikasle taldea elizatik atera ezinik mantenduko du, orduan ikasleek Gaizkiraren gizakien mundurako ailegatzea ekiditeko Deabrua berberaren aurka borrokatu beharko dutela jabetuko dira.
Aktoreak
- Donald Pleasence: Apaiza
- Victor Wong: Howard Birack irakaslea
- Jameson Parker: Brian Marsh
- Lisa Blount: Catherine Danforth
- Dennis Dun: Walter
- Susan Blanchard: Kelly
- Anne Howard: Susan
- Ann Yen: Lisa
- Ken Wright: Lomax
- Dirk Blocker: Mullins
- Jessie Lawrence Ferguson: Calder
- Peter Jason: Leahy doktorea
- Robert Grasmere: Frank Wyndham
- Thom Bray: Etchinson
- Alice Cooper: Kaleko etxegabe eskizofrenikoa
Kanpo estekak
- Prince of Darkness filmaren iragarkia ikusgai. Youtube.com (Ingelesez)
- Prince of Darkness filmaren IMDBko fitxa irakurgai (Ingelesez)
| Autoritate kontrola |
|
|---|
Datuak: Q601013
Multimedia: Prince of Darkness (film) / Q601013
