Ramses VII.a

Irudi gehiago

Faraoi

K.a. 1136 - K.a. 1129
← Ramses VI.a - Ramses VIII.a →

Bizitza

Jaiotza

K.a. XII. mendea

Herrialdea

Antzinako Egipto

Heriotza

K.a. 1129 ( urte)

Familia

Aita

Ramses VI.a

Ama

Nubkhesbed

Anai-arrebak

ikusi

Amenherkhepshef ^(en)
Iset ^(en)

Leinua

Egiptoko XX. dinastia

Jarduerak

subiranoa

Usermaatra-Setepenra Meriamon-Ramses edo Ramses VII.a, Egiptoko faraoia izan zen K.a. 1136 eta K.a. 1129 bitartean. XX. dinastiako seigarren faraoia izan zen.

Erregealdia

Ramses VI.a eta honen emazte Nubtxesbeden seme eta oinordekoa. Gobernatu ahal izan aurretik hil zen seme bat izan zuen. Ramses VII.aren oinordekoa, bere osaba Ramses VIII.a izan zen.

Bere erregealdiari dagokionez zenbait agiri ekonomiko eta administratibo eta faraoiarentzako bost ereserki biltzen dira. Langileen hiria zen Deir el-Medinan aurkitutako agiriek, bere garaiko krisialdi ekonomikoa adierazten dute, matxinada prestatzera bultzatzen dutenak, alearen prezio handien ondorioz. 1907-1908 Turingo Papiroan, bere erregealdiko zazpigarren urtea datatuta dago.

Ramses VII.aren hilobia

Errege honen monumenturik garrantzitsuena, bere hilobia da, KV1a, Erregeen Haranean. Hilobi xalo bat da, mendeetan zehar irekita mantentzen dena (zeinu greziar eta erromatarrak ditu). Sarkofagoa, hilobiko lurzorua zulatuz egin zen, eta, zuloaren gainean, harlauza handi bat jarri zen. Bere momia ez da aurkitu.

Erregearen izena daramaten faienzazko lau ontzi aurkitu ziren DB320 gordelekutik gertu, honek, identifikatu gabeko gorpuetako bat, berea izan daitekeela iradokitzen duelarik.